માળો ચૂંથાણો
(ભજન)
વડવાયું કોણે વીંખિયું હો જી !
એ જી મારો મીઠો મેરામણ ઉલેખાણો,
માછલિયું ક્યાં જઇ નાખિયું હો જી !
વા’લાના વાવડ નહોતા
સાથીના સગડ નહોતા :
પાનેપાને દવ પથરાણો રે,
વડવાયું કોણે વીંખિયું હો જી !
આંખ્યુંની એંધાણી નહોતી,
પ્રીત્યું યે બંધાણી નહોતી :
અંતરનો તૂટ્યો તાણોવાણો રે,
વડવાયું કોણે વીંખિયું હો જી !
સોણાં યે સૂકાણાં મારાં,
ભાણાં ભરખાણાં મારાં :
પાંખેપાંખે તીર પરોવાણાં રે,
વડવાયું કોણે વીંખિયું હો જી !
ઇન્દુલાલ ગાંધી.
ટિપ્પણીઓ નથી:
ટિપ્પણી પોસ્ટ કરો