મેંદી રંગ લાગ્યો રે
મેંદી તે વાવી માળવે
એનો રંગ ગયો ગુજરાત રે
મેંદી રંગ લાગ્યો રે -
નાનો દેરીડો લાડકો
ભાભી, રંગો તમારા હાથ રે
મેંદી રંગ લાગ્યો રે !
આંગળીઓ રંગી ને રંગી હથેલી
રંગી બેઠી હું તો મનડું યે ઘેલી :
કરી પાનીઓ લાલગુલાલ રે
મેંદી રંગ લાગ્યો રે !
ફાગળને ફૂલેકે ખિલ્યો’તો ખાખરો
એણે કેસૂડાનો રંગધર્યો આકરો !
જાણે મેંદીના હાથનો રૂમાલ રે
મેંદી રંગ લાગ્યો રે !
વાયરો જો ઊડીને આવ્યો વૈશાખથી,
કૈક નવું કામણ કીધું એણે આંખથી;
રંગ્યું કુમકુમથી ભાભીનું ભાલ રે
મેંદી રંગ લાગ્યો રે !
ઇન્દુલાલ ગાંધી.
ટિપ્પણીઓ નથી:
ટિપ્પણી પોસ્ટ કરો