શી રીતે વખાણું
માધવ, તારા રૂપને શી રીતે વખાણું ?
તું થી તેજ પડે ઝંખવાણું
માધવ, તારા રૂપને શી રીતે વખાણું ?
બંસીના હોઠે તું સ્વરની સુંદરતા
ગોપીના નેણાં તો અમૃત પીતાં,
તારી વાણીથી ત્રિલોક બંધાણું
માધવ, તારા રૂપને શી રીતે વખાણું ?
પૂનમે વદનની આભાને ચોરી
કમળોએ જોઇ લીધી આંખ બિલોરી;
પંચશરથી આ બધું ન ખમાણું
માધવ, તારા રૂપને શી રીતે વખાણું ?
શીતલ, શ્યામલ-સ્નિગ્ધ સ્વરૂપ તારું
એક એક ગોપીના અંતરનું અજવાળું :
એનાથી જ આ અમી જીરવાણું
માધવ, તારા રૂપને શી રીતે વખાણું ?
ઇન્દુલાલ ગાંધી.
ટિપ્પણીઓ નથી:
ટિપ્પણી પોસ્ટ કરો