મીરાં બોલી
રે, હું તો રંગભીની રાધિકા થઇ છું.
લોકલાજ મરજાદ શી મારે ?
જ્યાં ને ત્યાં નાચી રહી છું,
રે, હું તો રંગભીની રાધિકા થઇ છું.
રાધાજી ઘૂંઘટમાં નાચે
જમનાજી પનઘટમાં નાચે :
મીરાં મારગ વચમાં નાચે ;
છડેચોક છબીલી થઇ છું,
રે, હું તો રંગભીની રાધિકા થઇ છું.
છૂટેલી વાણી મેં બાંધી :
તૂટ્યા તાર રહી છું સાંધી :
ના રોકજો ચડતી આંધી
જુદી જમાતોમાં ગઇ છું ;
રે, હું તો રંગભીની રાધિકા થઇ છું.
ઇન્દુલાલ ગાંધી.
ટિપ્પણીઓ નથી:
ટિપ્પણી પોસ્ટ કરો