સરિતાનો આ પ્રવાહ
સરિતાનો આ પ્રવાહ
ગતિમાન છતાં સ્થિત –
ધક્કામુક્કી કરી એના
પાછળનાં પાણી
આગળનાં પાણીને ધકેલે છે.
પણ ક્યાં જવું છે એનું
કોઇને ય નથી ભાન,
પણ બસ જવાનું છે
એટલી છે એને જાણ,
મનમાં છે અહંકાર એટલો કે
અટકાવી કોઇથી શકાય નહિ
આપણું ગતિ પ્રયાણ.
પણ પેલો કાંઠો એના
મારગને રોકે છે,
પાણી જ્યાં નજીક આવે
ત્યાં તો કાળમીંઢ એની દંતુડીઓ
સલિલને અંગે અંગે ભોંકે છે.
વસૂકેલી નદીઓ આ
પાતળો પ્રવાહ
કાંઠો તોડી નાખવા
ચોમાસાની વાટ જોતો
નીલવર્ણા વ્યોમને વિલોકે છે.
આગળનાં પાણીને ધકેલે છે.
પણ ક્યાં જવું છે એનું
કોઇને ય નથી ભાન,
પણ બસ જવાનું છે
એટલી છે એને જાણ,
મનમાં છે અહંકાર એટલો કે
અટકાવી કોઇથી શકાય નહિ
આપણું ગતિ પ્રયાણ.
પણ પેલો કાંઠો એના
મારગને રોકે છે,
પાણી જ્યાં નજીક આવે
ત્યાં તો કાળમીંઢ એની દંતુડીઓ
સલિલને અંગે અંગે ભોંકે છે.
વસૂકેલી નદીઓ આ
પાતળો પ્રવાહ
કાંઠો તોડી નાખવા
ચોમાસાની વાટ જોતો
નીલવર્ણા વ્યોમને વિલોકે છે.
ઇન્દુલાલ ગાંધી.
ટિપ્પણીઓ નથી:
ટિપ્પણી પોસ્ટ કરો